Dôs seradis cu lis miôr vôs gospel di New York

Dôs seradis tal plen dal spirt di Nadâl, compagnâts di un grup cui miôr cjantants gospel di New York. La corâl The New York City Gospel Choir e rive in Friûl-Vignesie Julie, joibe ai 18 tal Teatri Comunâl di Cormons, dulà che i biliets a son za finîts di cualchi dì, pe stagjon promovude di Artisti Associati. Il secont conciert, vinars ai 19 tal Teatri Odeon di Tisane, al sarà presentât te suaze de stagjon dal Circuit dal ERT. Diret di Mark Anthony Henry, za regjist musicâl di Cissy Houston, la innomenade cjantante gospel e mari di Whitney Houston, e je la corâl contemporanie plui impuartante de citât, cuntun repertori emozionant. (A.I.) – 17.12.2025