43
La musiche e la inclusion a son al centri di “Suono dunque sono”, il secont event de gnove stagjon musicâl dal Teatri “Sociale” di Glemone, promovude de aministrazion comunâl e de rêt dal ERT dal F-Vj. Miercus ai 10, a laran sù sul palc i musiciscj de Orchestre Sinfoniche Inclusive AMI Ritmea, fondade tal 2017 par fâ deventâ la pratiche musicâl acessibile aes personis cun disabilitât e neuro diversitât. Cun lôr, la Orchestre dai zovins Filarmonici Friulani, che e à fat aromai plui di 300 concierts tirant dentri almancul 150 personis sul palc ogni an. Par dute la serade, il lengaç universâl de musiche al vuide i valôrs condividûts dai doi grups: impegn, dialic e rispiet vicendevul. (A.I.) – 09.12.2025
