Doi paris, une tragjedie

“Salām/Shalom – Doi paris” al torne tal circuit tal ERT. Il spetacul, gjavât fûr sul romanç “Apeirogon” dal scritôr irlandês Colum McCann, vincidôr dal Premi “Terzani” tal 2022, al larà in sene vinars ai 6 di Fevrâr tal Teatri Gnûf “Lavaroni” di Dartigne, miercus ai 11 tal “Plinio Clabassi” di Sedean e martars ai 17 tal “Auditori Comunâl” di Prissinins. Adatade dal romanç di Paola Fresa, cu la regje di Massimo Somaglino che al è protagonist cun Alessandro Lussiana, la comedie e je di grande atualitât, parcè che e furnìs une testemoneance preziose de tragjedie dal conflit in Israêl e in Palestine. E je la storie di doi paris leâts dal dolôr spartît pe pierdite des lôr fiis, ognidune copade inte vuere di chel altri. (A.I.) – 05.02.2026