Daspò dal sucès de stagjon passade, “Les Virtuoses” al torne in Friûl-Vignesie Julie par vierzi il circuit dal ERT dal 2026 cuntun spetacul apassionant che al messede musiche e magjie. I fradis Mathias e Julien Cadez, compagnâts sul palc dai assistents Antoni Rzeznicki e Antoni Coudeville, a tachin il lôr tour miercus ai 7 tal teatri “Ristori” di Cividât. I “Virtuôs” a tornaran daspò in altris sîs teatris de regjon: joibe ai 8 tal “Pasolini” di Cjasarse, vinars ai 9 tal “Odeon” di Tisane, sabide ai 10 tal “Candoni” di Tumieç, domenie ai 11 tal “Verdi” di Manià e lunis ai 12 tal “Modena” di Palme e martars ai 13 tal “Bonezzi” di Monfalcon. Sul palc di sene, dome un piano par doi pianiscj al trasforme Vivaldi, Mozart e altris grancj classics intune interpretazion esplosive, cence peraulis ma siore di poesie e umorisim. (A.I.) – 05.01.2025
Foto di S. Audran
