Dôs stelis de musiche taliane par doi dîs in regjon par tacâ i concierts dal Istât. Il prin al è Tiziano Ferro, che al presentarà la prime date di un tour anunziât za nûf mês indaûr: “STADI26”, sabide ai 30 tal stadi “Teghil” di Lignano, cun 20 mil biliets vendûts. Domenie ai 31 e je une altre “date zero” cuntun valôr ancjemò plui impuartant, parcè che e scree un gnûf spazi par grancj events ta regjon: il “campovolo” te zone ricualificade dal aeropuart “Amedeo Duca d’Aosta” a Gurize, dulà che a si spietin almancul 25 mil personis. Il conciert di “prove” di Cesare Cremonini, il prin di “CrenoniniLive26”, al è dentri di un program che al lee la capitâl europeane da culture dal 2025 cu la capitâl taliane da culture dal 2027, Pordenon. (A.I.) – 29.05.2026
Foto di E. Serio
