100
Miercus ai 2 di Lui a vegnin fûr in contemporanie su dôs plateformis innomenadis dôs produzions internazionâls ziradis ancje in Friûl-Vignesie Julie, simpri plui al centri de cinematografie mondiâl. “Heads of State”, un film di azion cun Idris Elb, e John Cena, prodot di Amazon par Prime Video, al è stât zirât tal Istât 2023 a Triest, cul jutori de FVG Film Commission: tal puart vieri, su lis rivis, in place Unitât… E ancje tal Palaç de Regjon, che tal cine al devente la sede de ONU! Ancje “The Old Guard 2”, produsût par Netflix, al è stât zirât a Triest, tal 2022, cun Luca Marinelli, Uma Thurman e Charlize Theron, che si jere taiade i cjavei e nissun la cognosseve, si che duncje e leve ator pe citât cence padin. (A.I.) – 01.07.2025
