Doi biliets pal presit di un

In ocasion dal dì di San Valantin, il Teatri gnûf “Giovanni da Udine” al ufrîs une promozion speciâl par chei che a vuelin regalâ o regalâsi une esperience dal vîf, cu la pussibilitât di sielzi di une schirie di spetacui e concierts de stagjon. De prose e operete ai concierts di grandis orchestris, la jentrade al teatri e sarà ufierte a un presit une vore convenient: doi biliets pal presit di un! In dut a son dîs events, scomençant cul “Disney Galà” e la operete “La Bajadera”, programadis pai dîs che a vegnin. Cheste ufierte e cjape dentri ancje i concierts di Lilya Zilberstein, de orchestre Savaria Symphony Orchestra e The Constellation Choir & Orchestra diretis di Sir John Eliot Gardiner. Te liste ancje cinc titui di spetacui di prose: “Feste” deFamilie Floz, “Radio Argo Suite”, “L’Empireo”, “Matteotti” e “La storia”. La promozion e je valide fint ai 14 di Fevrâr, su la fonde de disponibilitât dai puescj. (A.I.) – 11.02.2026