Il rapper furlan Dj Tubet, produtôr musicâl di riferiment pe pedagogjie dal hip hop in Italie, al è il protagonist di un event speciâl a Triest, miercus ai 18 li dal Civiform, te suaze dal progjet “Incontri” (Incuintris) pes scuelis, promovût de associazion Alea. La propueste e je vierte pal public e soredut pai students e i professôrs e e je une ocasion origjinâl par svicinâsi al mont dal rap, de musiche reggae e de poesie intune maniere formative e culturâl. La lezion conciert di Dj Tubet, un dai plui svelts, in ativitât dal 1998 e un dai prins a sperimentâ tecnichis rap gnovis, rivant tal 2021 al record di cuindis silabis par secont, in lenghe furlane, e je dedicade al podê educatîf de musiche e des peraulis. (A.I.)-17.06.2025
Foto di V. Vanier
