Une conte emozionante e apassionante che e fevele des metamorfosis de vite in ogni so aspiet e de dibisugne di jessi ricognossints: al è il gnûf apontament tal Gnûf Teatri Comunâl di Gardiscje, miercus ai 12. In sene “Le gratitudini”, gjavât fûr dal romanç di Delphine De Vigan, une des scritoris francesis plui amadis, une scriture emotive in maniere dolce che da râr si cjate fûr intai libris contemporanis. Cul adatament e la regjie di Paolo Triestino, sul palc Lucia Vasini Vasuts, Lorenzo Lavia, il stes Triestino e altris, il spetacul al tache di une domande: si sêso domandâts mai cetantis voltis inutune dì che o disês gracie, dome par cortesie, e cetantis voltis invezit che inte vite o vês dit gracie pardabon? Chel che al ven fûr al è un imni ae vite, dulà che cuatri esistencis si instrecin intun incrosament maraveôs di sintiments, passions, displasês, ma dulà che dut al è ancjemò pussibil. (A.I.) – 11.03.2025
Foto di L. d’Agostino
