“Darte”, la musiche e zire pai borcs de Cjargne

Sabide ai 12 e domenie ai 13 il festival di musiche e incuintris “Darte”, là che i abitants dai borcs di vot comuns de Cjargne si confrontin cui artiscj e il public, al jentre tal plen cun trê concierts e dôs visitis. Sabide a Zui e je programade une visite vuidade al Museu civic archeologjic “Iulium Carnicum” e aes 5 di dopomisdì, te glesie di S. Lenart, al sune il duet “Estroverso e danza” di Luisa Sello ed Ettore Michelazzi, cu la partecipazion des danzadoris Giorgia Maniscalco e Elisa Cecotti. Aes 9 di sere, te sale polifunzionâl di Sudri, il cuartet di ghitaris Athanor Guitar Ensemble. Domenice ai 13 il festival al va a Vile di Verzegnis, tal museu di art tal viert “Art Park Egidio Marzona” pe presentazion dai “Racconti all’ombra” di Adriana Ronco Villotta e po dopo te Plêf di S. Martin, musiche cul sestet Extrovert Ensemble. (A.I.) – 11.07.2025