La vôs di une tiere, lis emozions di un popul, la lenghe che e ten bot al timp. Ancjemò une volte, a puartâ al centri la fuarce des lidrîs e de memorie di ducj cuancj al sarà il cjantôr dal Friûl, Dario Zampa, joibe ai 10 aes 9 di sere in place Cjapitul a Aquilee. Cul so spetacul “Furlan: Cjantìn in Marilenghe Aquilee”, il cjantautôr al ufrirà al public un conciert che al è une vore di plui che une esibizion di musiche, intun lûc che al è propit un simbul di culture par cheste tiere: al sarà un at di amôr pe int, lis tradizions e la lenghe. Compagnât di Sebastiano Zorza ae armoniche, Omar Malisan ae ghitare, Andrea Grosso al bas, Nicola Masolini aes percussione e Grazia Rapetti ae vôs, Zampa al puartarà in sene une conte in musiche che e travierse il timp, instreçant monolics e cjançons. (A.I.) – 09.07.2025
Dario Zampa, la vôs di une tiere
105
