Dopo la scree a Gurize, il festival internazionâl di musiche e teritoris “Nei suoni dei luoghi” (Intai sunôrs dai lûcs) al rive a Udin cuntun avigniment particolâr che al met dongje la musiche e la danze verticâl, confermant la vocazion multidissiplinâr de vincjesime seste edizion de rassegne. Sabide ai 8 aes 10.30 sot sere, il cuel dal Cjistiel al ospitarà “Skyline”, un progjet par cure de compagnie di danze verticâl ‘Il Posto’, cun Marco Castelli e eletroniche dal vîf, coreografie di Wanda Moretti cu lis danzadoris Simona Forlani e Isabel Rossi. Une serade di magjie, dulà che il Cjistiel di Udin e il panorame di incjant che si amire de sô culine a fasaran di senografie a un spetacul a dî pôc visionari. L’avigniment, inmaneât in colaborazion cu la “Notte dei lettori” (La gnot dai letôrs), al è a jentrade libare. Dut il program dal festival al è in rêt su www.neisuonideiluoghi.it. (A.I.) – 07.06.2024
Foto di J. Garzaron
