Danze urbane: dopo Udin, si siere a Vençon

Dopo la prime part a Udin, il festival di danze urbane “AreaDanza” al siere la 12e edizion a Vençon, sabide ai 6 cun cuatri spetacui tacant des 5 dopomisdì. Si scomence cuntune produzion disvilupade intal ambit dal cors di alte formazion organizât ogni an da Arearea: “Cross”, une rapresentazion “site specific”, ven a stâi, ideade e fate di pueste pal lûc. Po dopo, “Jules” e “Prelude” di Naturalis Labor e “Per luogo, musica e corpo” (Par lûc, musiche e cuarp) di Versiliadanza, une altre performance nassude par scoltâ il spazi, il timp e lis formis che a coabitin il lûc. (A.I.) – 04.08.2022