Cui Papu si rît e si fâs formazion

De comedie ae formazion cul spetacul “Ho sempre fatto così…” (O ai simpri fat cussì), che al conte ancje in maniere comiche i temis de sigurece e de salût sul puest di lavôr frontats dai Papu, Andrea Appi & Ramiro Besa, ancje autôrs dal test. Il spetacul al sarà in sene di lunis ai 13 e fint ai 16 di Mai tal Gnûf teatri comunâl di Gardiscje, in graciis dai organizadôrs dal centri di produzion teatrâl ArtistiAssociati cu la colaborazion di Paolo Grossa di Percorso Sicurezza – Safety Together di Segrât. La volontât e je chê di tirâ dentri i students des scuelis e i lavoradôrs di aziendis dal teritori, che a cjaparan ancje un atestât di partecipazion. (A.I.) – 10.05.2025