A saran cuatri dîs dedicâts ae danze emergjente in Europe: “Aerowaves Spring Forward Festival”, in program dai 23 ai 26 di Avrîl a Gurize e a Gnove Gurize. L’event al ufrirà un palc ai vincj coreografs europeans plui vivarôs e prometents, selezionâts de rêt europeane Aerowaves di passe 700 candidaturis. Co-organizade di ArtistiAssociati – Centri di produzion teatrâl, la decime cuarte edizion dal festival e fâs part dal program uficiâl di “GO!2025”, Gnove Gurize – Gurize Capitâl Europeane de Culture. Il festival al cjape dentri 21 spetacui Aerowaves, che a vegnin di 17 Paîs diferents, proponint une selezion siore e diversificade di coreografs emergjents che a lavorin in dute Europe. La edizion 2025 e puartarà intes dôs citâts plui di 200 professioniscj dal setôr e e darà al public la pussibilitât di cognossi lis gnovis tindincis de danze internazionâl. (A.I.) – 22.04.2025
Foto di V. Muteau
