Cuartet in ‘residence’ in Cjargne

Daspò di une date di anteprime, vinars ai 4 al tache “Carniarmonie”, che di 34 agns e puarte in Cjargne, Valcjanâl e Cjanâl dal Fier un cartelon di ecelence, metût adun de fondazion “Bon” di Culugne daûr dai guscj di un public che simpri di plui al cjape dentri ancje i turiscj. In lûcs plui o mancul cognossûts, dentri di plêfs, gleseutis, domos, palaçs, teatris e soredut lûcs tal viert, il diretôr artistic Claudio Mansutti al à sielt une schirie di ospits no dome furlans o talians, ma ancje dal forest. Vierzint ancje ae prime “residence artistiche” te mont: chel dal cuartat di arcs di musiche di cjamare Indaco. Vinars ai 4 tal domo di Paluce, il cuartet al sune cu la Fvg Orchestra e domenie ai 6 a Soclêf cun Claudio Mansutti e Federica Repini, intant che sabide ai 5 a Mueç e sarà dome la ‘sinfoniche’ furlane direte dal pianist Florian Krumpöck. (A.I.) – 03.07.2025