Cuant che lis feminis no podevin zuiâ di balon

Al conte une storie vere, chê di un grup di fantatis che a àn sfidât il regjim fassist zuiant di balon, il spetacul che al rive a teatri pal progjet “Uguali/Diversi” (Compagns/Diviers) de associazion Thesis di Pordenon. Martars ai 30 li dal auditorium Zotti di S. Vît dal Tiliment e po dopo li dal Capitol di Pordenon e tal Teatri Verdi di Manià, la regjiste Laura Curino e presente “Giovinette. Le calciatrici che sfidarono il Duce” (Zovenutis. Lis zuiadoris che a sfidarin il Duce), gjavât dal romanç di Federica Seneghini e Marco Giani. Une storie sucedude pardabon intal 1932, cuant che un grup di feminis a butarin une sorte di sfide al regjim e ae mentalitât dominante: zuiâ di balon. Lu faserin par un an, prime limitadis dal regjim “par preservâ la lôr capacitât riprodutive” e po dopo fermadis ae vilie de prime partide uficiâl. (A.I.) – 29.01.2024