Cuant che la sorprese e cjate la bielece

Un dai plui cognossûts mentaliscj de Italie, Francesco Tesei, al torne tal circuit teatrâl dal ERT. Daspò dal grant sucès di “Telepathy”, al sarà une altre volte protagonist sui palcs di sene de regjon cu la sô ultime opare, “Wow”, creade cun Deniel Monti. Il spetacul al sarà presentât joibe ai 22 tal Teatri “Paolo Maurensig” di Felet, tant che part de stagjon comun dal ERT e de Fondazion Luigi Bon, e vinars ai 23 tal “TeatrOrsaria” di Premariâs, dulà che a son za stâts vendûts ducj i biliets. I mentaliscj a san intuî i pinsîrs das personis, “lei” i lôr cjâfs o influençâ i lôr pinsîrs par influençâ lis azions. In “Wow”, Tesei al enfatize une des carateristichis fondamentâls dal so lavôr, ma ancje une des esperiencis umanis che e da plui sodidfazions: la maravee, la emozion nassude dal incuintri de sorprese cu la bielece. (A.I.) – 21.01.2026