“Con&corso” al è il titul de edizion 2023/2024 de masterclass di musiche di cjamare de Fondazion “Luigi Bon” di Culugne, che e ufrìs une grande oportunitât, no dome formative, par artiscj zovins dai 17 ai 35 agns, che a varan la ocasion di frecuentâ il cors – par almancul 10 lezions – tignût di Federica Repini tal Teatri di Culugne di Tavagnà, e in plui une zornade di lezion cun Federico Guglielmo, incentrade su aspiets specifics dal repertori frontât. Ai grups che a varan frecuentât cun profit lis lezions a saran ufierts almancul trê concierts in stagjons o in festival, paiâts in maniere regolâr: al miôr di lôr e vignarà proponude la regjistrazion di un cd e la publicazion. Par partecipâ ae selezion al è pussibil candidâsi inviant une email a didattica@fondazionebon.com dentri di lunis ai 30 di Otubar. Al è pussibil presentâsi ancje tant che strumentiscj singui. (A.I.) – 23.10.2023
Cors par musiciscj zovins a Culugne: in pali concierts e un cd
109