45
La Corâl Caminese e la Parochie di Cjamin di Codroip, cu la colaborazion des associazions Kairos, Davide Liani e la Academie organistiche di Udin, a proponin domenie ai 16 il conciert tradizionâl di S. Valantin par orghin e corâl, rivât aromai ae trentesime otave edizion. Di agnorums, l’apontament musicâl, che si ten in ocasion de Fieste dal Patron dal paîs, e je une preseade ocasion par valorizâ l’orghin, strument di elezion par Cjamin di Codroip. Il conciert, previodût aes 5.30 di dopomisdì inte Glesie di Ducj i sants di Cjamin di Codroip, al varà par protagonist al orghin il zovin Lorenzo Rupil e la Corâl Caminese direte di Francesco Zorzini. (A.I.) – 15.02.2025
