Conciert di Nadâl a Udin cu la orchestre Audimus

Apontament di lustri pe orchestre furlane Audimus, che e siere l’an dal so prin decenâl di fondazion cuntun grant event al Teatri ‘Giovanni da Udine’. Il complès dal pianist e diretôr udinês Francesco Gioia, nassût par puartâ su dut il teritori la musiche classiche e che sinfoniche, al è stât invidât tant che protagonist dal conciert di Nadâl de citât: la ocasion pal memoreament uficiâl des vitimis dal maçalizi dal 1998 in viale Ungheria. Vinars ai 23, aes 6 dopomisdì, la Audimus e sunarà un program vari, sinfonic, solistic e corâl, cuntun toc gnûf creât dal zovin compositôr furlan Alessio Domini. I ospits a saran la corâl FL Ensemble e soliscj il sopran Marianna Prizzon e il tenôr Federico Lepre. (A.I.) – 22.12.2022