69
Vinars ai 5 di Dicembar aes 6 di dopomisdì tal Palaç Clabassi di Udin al larà in sene il conciert “Vibrazioni melodiche”, inmaneât de Camerata Strumentale Italiana, une orchestre di cjamare formade di un grup di musiciscj tal 1991 cun chê di promovi e divulgâ il repertori di cjamare dal secul vincjesim. Vie pe serade si podarà scoltâ la esibizion de arpiste Paola Gregoric: nassude tal 2000 a Triest, e à otignût il diplome Academic di Secont Nivel tal Conservatori “Tomadini” di Udin e cumò e je daûr a frecuentâ il cors post lauree te Civiche Scuele di Musiche “Claudio Abbado” di Milan. Il conciert al è viert a ducj cence sore nuie. (A.I.) – 04.12.2025
