Conciert benefic de orchestre dai zovins

Sabide ai 4 di Otubar, il Teatri gnûf “Giovanni da Udine” al da acet a un event benefic che al met dongje impresis, istituzions, musiche e sport dal teritori par sostignî i progjets de associazion “Pane Condiviso”. Il conciert par Haiti e il Perù intitulât “Note di Solidarietà”, Notis di solidarietât, promovût de Chiarcosso – Help Haiti, cu la poie di Chiarcosso Srl e Gesteco Spa e il supuart di United Eagles Basketball di Cividât, e je une iniziative par puartâ un jutori ai fruts di chei Paîs che si cjatin intune situazion di vulnerabilitât. La orchestre dai zovins Filarmonici Friulani e compagnarà i spetatôrs intun viaç musicâl di solidarietât, sostignibilitât e valorizazion dal teritori, celebrant grancj compositôrs de musiche classiche. (A.I.) – 03.10.2025