Comini & Tonazzi a tornin a fâ un conciert

Intai agns ‘70 a jerin students te Academie di Vignesie, a son deventâts amîs e cul non di Frizzi Comini Tonazzi a àn incidût une vore di cjançons plenis di ironie che a son deventadis part dal patrimoni coletîf furlan. Intai prins ‘80 a son stâts fintremai sot contrat cuntune etichete nazionâl, e a son lâts indevant fasint album di cualitât, fint a un pâr di agns indaûr. Dopo un lunc periodi di polse par vie dal ritîr par motîfs di salût di un di lôr, joibe ai 22 il grup al torne a tacâ cul non Comini & Tonazzi, cuntun conciert al Vapore di Udin, in vicolo Sillio. Cun lôr, il supuart orchestrâl di Gianni Iardino, tastierist storic dal grup, par une serade speciâl. (A.I.) – 21.02.2024