Colombians tal parc “Moretti”

Un conciert che al impromet di mudâ il Parc “Moretti” intun cjanton dai grancj spazis vierts dal Sud Americhe. Miercus ai 24 aes 9 sot sere a Udin, par “More than Jazz” a sunaran i Zumbao: la jentrade e je libare cence sore nuie, e se al plûf si va tal teatri San Giorgio. I Zumbao a son un dai grups plui interessants de gnove sene musicâl colombiane, vincidôrs di cetancj premis nazionâi e internazionâi. A rapresentin la gnove gjenerazion dal “joropo llanero”, un gjenar musicâl nassût tes planis orientâls de Colombie e dal Venezuela, che al messede tradizions popolârs, virtuositât strumentâl e une fuarte energjie ritmiche. La lôr propueste e spiche pe sô capacitât di tornâ a interpretâ il patrimoni musicâl tradizionâl midiant di armonizazions inovativis e une fuarte sensibilitât contemporanie par creâ un spetacul che al tire dentri ducj. (A.I.) – 23.06.2026