Cjants gregorians inte catedrâl di Pordenon

E je une formazion aromai di liende chê dai Cantori Gregoriani, il grup fondât e diret di Fulvio Rampi, za mestri di capele de Catedrâl di Cremone, diretôr atuâl de Corâl Sicardo di Cremone e docent tal Conservatori di Turin. Dal 1985 i Cjantôrs, un grup vocâl a vôs virîls, si dedichin in mût esclusîf ae divulgazion e ae esecuzion dal cjant gregorian, e domenie ai 3, aes 3.30 dopomisdì intal Domo Concatedrâl di Pordenon, a saran in sene par une gnove e impuartante tape dal trentesim tierç Festival Internazionâl di Musiche Sacre, promovût di Presenza e Cultura cul CICP, il Centri Iniziativis Culturâls di Pordenon, diret di Franco Calabretto e Eddi De Nadai. (A.I.) – 02.11.2024