Cjantautôrs di dute la Italie tal Cjanâl Pedarç

Dai 18 al 21 di Jugn, il Cjanâl Pedarç al sarà une altre volte un centri par incuintris musicâi, ricercjis e sperimentazions in gracie de gnove edizion de residence artistiche pai cjantautôrs oms e feminis sot dai 35 agns, “Mille anni al mondo, mille ancor”a (Mil agns tal mont, ancjemò mil). Promovude de associazion CulturArti e dal Comun di Prât, e fâs part de cuinte edizion de rassegne “Frattempi – Il confin dal timp”. Vuidade dai cjantant se compositôrs Edoardo De Angelis e Michele Arena, la residence e darà acet a zovins artiscj e zovinis artistis di dute la Italie, selezionâts midiant di un bant nazionâl par talents emergjents de composizion e de interpretazion musicâl. Il comitât di selezion al à sielzût i furlans Anna Cainero e Andrea Giavitto, dongje di altris cinc zovins e zovinis di dute Italie e dal forest, che a saran tirâts dentri intun program intensîf dedicât ae scriture origjinâl, ae ricercje poetiche, ae vôs e ae composizion. (A.I.) – 17.06.2026