Cjant liric ‘virtuâl’: i vincidôrs tal Teatron

A son stâts designâts tal Teatri Gnûf “Giovanni da Udine” i vincidôrs dal prin Concors di cjant liric virtuâl de SOI-Scuele de Opare Taliane “Fiorenza Cedolins”, rivât ae cuinte edizion. Une iniziative che e à cognossût in pôcs agns un sucès di no crodi, cu la partecipazion di passe cinccent artiscj che a vegnin di dut il mont. Dodis i artiscj finaliscj che dopo jessi stâts sielts de jurie in rêt a àn concuistât la vitorie: il sopran rus Elizaveta Shuvalova, il bas rus Mikhail Biryukov e il sopran Anna Graf. Si son adiudicâts cun di plui altris premis Yutong Shen, Gagik Vardanyan e Michele Cerullo. Vinars ai 7, ducj e sîs i vincidôrs a daran prove sul palc dal Teatron des lôr ecezionâls cualitâts vocâls e interpretativis, acompagnâts de FVG Orchestra direte di Giuliano Carella. Premi ae cariere al bariton Franco Vassallo. (A.I.) – 06.06.2024