111
La essence dal flamenco e sarà protagoniste martars ai 17 tal Gnûf Teatri Comunâl di Gardiscje, dulà che in esclusive regjonâl si esibirà Eduardo Guerrero intal so “Desplante”. Dongje di lui, Pilar Sierra Villar (vôs) e Victor Franco Gutierrez (ghitare). Al è un recital di cjant e danze, un spetacul pensât par jessi puartât in cualsisedi spazi senic, incentrât sul moviment dal cuarp tant che espression assolude, ma ancje su la vôs e su la musiche. Al è sclet, profont e cuntune fuarce e une dramaticitât esplosivis, rût e contemporani tal stes timp, cence artificis. (A.I.) – 16.12.2024
