Cineteche: ricuarts dal taramot di Setembar

Tal mês di Setembar dal 1976, doi fuarts taramots a scancelarin dibot i lavôrs di ricostruzion tacâts daurman daspò dai 6 di Mai, sfracaiant il spirt dai furlans. Miercus ai 9 aes 8 e mieze sot sere, la Cineteche dal Friûl di Glemone e presente tal cine “Sociale” doi documentaris curts fats a pueste pal cincuantesim aniversari dal taramot dai students des scuelis di Glemone e un cine râr fat de RAI tal 1979. “Vôs dai fruts 1976”, prodot di SG Video Produzion, al è stât fat dai arlêfs des cuatri classis secondis de scuele secondariis di prin grât “Gen. Cantore” a Glemone, che a àn cjapât sù testemoneancis di int di famee e dai vicins, cu la idee di riscuvierzi i valôrs de colaborazion, de solidarietât e de fuarce. “Ricostruzioni”, diret di Anna Sandrini, al è stât fat invezit cui students de cuarte classe CAT/GEO tal Istitût Magrini Marchetti a Glemone pal Centri pes arts visuâls. La serade si siere cul cine pe television dai archivis de Rai, “Quasi due metri” (1979), diret di Vittorio Melloni, un episodi de miniserie “Quattro delitti”, basade suntune storie di Giorgio Scerbanenco: la uniche serie televisive sul taramot dal Friûl. E je la storie di un contadin furlan che, a Torin par viodi une fiere agricule, al cjate une zovine dal so paîs che e je colade inte prostituzion. Il teritori devastât si viôt seconde part dal cine, cun senis ziradis soredut a Vençon, ma ancje a Glemone, Osôf e sul puint di Braulins. (A.I.) – 08.09.2026