Cine orientâl a Udin: ve chi il prin titul

Prime anticipazion pal “Far East Film Festival”, la rassegne di cine orientâl inmaneade a Udin di 26 agns in ca: chê plui impuartante in Europe, in program dai 24 di Avrîl ai 2 di Mai dal 2024. Il titul che al vignarà presentât in prime mondiâl al viôt di gnûf adun doi protagoniscj dal cine orientâl: i atôrs Tony Leung Chiu-wai e Andy Lau, di gnûf intune daspò vincj agns. O sedi, di chel “Infernal affairs” che ducj i passionâts di cine orientâl a àn preseât. “The Goldfinger” al è il titul dal cine che al puarte la firme dal stes regjist di vincj agns indaûr, Felix Chong, che si è ispirât a un vêr câs finanziari che al è deventât un romanç criminâl, dulà che il miôr dal cine di Hong Kong al svole cetant alt. (A.I.) – 10.01.2024