Cine mut e musiche dal vîf: la serade finâl

La rassegne “Seradis di cine mut” tal Cinemazero, l’event dedicât aes oparis mestris de Setime Art, si siere martars ai 28 a Pordenon. Inmaneade in colaborazion cu la Cineteca dal Friuli e lis Zornadis dal Cine Mut, e je une oportunitât uniche par riscuvierzi oparis che a son stadis al centri de storie dal cine sul schermi grant, compagnadis de musiche sunade dal vîf. La stagjon e sierarà cun “I misteri di un’anima”, I misteris di une anime di Georg Wilhelm Pabst, presentât intune gnove copie restaurade tal 2026 dal Font Murnau, daspò di une introduzion critiche. La pelicule, un dai prins esemplis di cine inspirât de psicoanalisi freudiane, al sarà compagnât in direte des musichis origjinâls interpretadis dal pianist Juri Dal Dan. (A.I.) – 27.04.2026