Cine mut, a Pordenon une stele di 100 agns indaûr

Aes Zornadis dal cine mut di Pordenon al è il moment di une des retrospetivis plui spietadis di dute la rassegne. Intal ambit di “Ruritania”, dongje di doi documents storics dal 1912, martars ai 4 al Teatri “Verdi” tacant des 9 di matine si vierç il spazi dedicât ae atore Norma Talmadge, une stele assolude intai agns Dîs e Vincj dal secul passât, laudade pe sô versatilitât e la elegance. Câs strani, la glorie di cheste atore e jere sparide dal dut intai decenis dopo de fin dal cine mut, ancje parcè che i siei cines a jerin deventâts ireperibii fin ae fin dal secul. (A.I.) – 03.10.2022

(Credit de fotografie: Wisconsin Center for Film and Theater Research)