Cine dal teritori a S. Denêl

Une proiezion dople miercus ai 11 tal cine “Splendor” di S. Denêl, par une serade che e à lis lidrîs te regjon e cuntun fuart valôr simbolic. L’ospit ospit al è il regjist furlan Alberto Fasulo (autôr di “Rumore bianco”, “Genitori”, “Tir”, “Menocchio”…) che, intervistât di Paolo D’Andrea, al presentarà il so ultin curtmetraç, “L’osservatore dell’est”, fat par Go2025. Proietât a Rome par “Alice nella Città” 2025, il cine al è centrât suntun nobil decjadût di otante agns che al compre un apartament a bon presit in place a Transalpine a Gurize, par scuvierzi che nol è dut ce che al somee… Po dopo e sarà une proiezion di “Orcolat”, une storie corâl dal Friûl cincuante agns dopo dal tragjic taramot dal 1976. Vuidât de vôs di Bruno Pizzul, il documentari al instrece la memorie, la identitât e la rinassite midiant des testemoneancis di artiscj, int di sport, scritôrs e studiôs. (A.I.) – 10.03.2026