Cine a alte cuote li dal Visionario

Ultins apontaments tal Visionario di Udin par “Cinema ad alta quota”, dome proiezions in prime vision che cun voi diviers, intai diviers ambients e a variis altitudins, a contin la mont, invidant a cjapâsi cure di jê. Vinars ai 29, une gnove produzion firmade di Ivo Pecile e di Marco Virgilio, “Dolomiti Patrimonio Mondiale UNESCO”, zirât intal Parc Naturâl des Dolomitis Furlanis, intal Parc Naturâl des Dolomitis di Dimpeç e intal Parc Naturâl des Trê Cimis. I ultins apontaments ai 5 e ai 12 di Avrîl cun “Custodi” di Marco Rossitti e l’ultin lavôr di Pecile e Virgilio. (A.I.) – 28.03.2024