Carniarmonie: ve il conciert che al mancjave

Vinars ai 12, te sale cine di For Davôtri si fasarà il spetacul conciert “Vôs cence confins” cu la corâl Freevoices Show Choir direte di Manuela Marussi. Za programât pal 25 di Lui, il conciert al jere stât anulât chê sere par vie de strade sierade al trafic, si che duncje cun chest event si siere la edizion di “Carniarmonie” 2025, rivât ae trentesime cuarte edizion cuntun calendari plen di 41 concierts in 25 comuns de mont, dal pop al jazz ae classiche. Il conciert dai Freevoices al è fat te forme dal teatri cjançon e al compagne i spetatôrs intun viaç viers lûcs imagjinaris di musiche e peraulis. (A.I.) – 11.09.2025