“Carniarmonie” si siere a Mueç cun dôs seradis

Ultins apontaments cul festival da mont “Carniarmonie”, la rassegne rivade ae trentesime cuarte edizion, cuntune grande partecipazion di int par ogni conciert, sedi di musiche antighe che di chê contemporanie, musichis dal Mont o jazz o classiche. Par joibe ai 4, il diretôr artistic Claudio Mansutti al puarte te Badie di Mueç il tercet internazionâl formât di Meden Lan, Francesco Angelico e Gloria Campaner, jenfri memorie de tradizion e invenzion contemporanie. L’ultin apontament sabide ai 6 simpri a Mueç, tal centri “Romano Treu “ cun “My name is Nina”, un spetacul cu la vôs di Graziella Vendramin e la narazion di Valerio Marchi par contâ e cjantâ – compagnâts di Alessandro Scolz, Romano Todesco e Emanuele Donadelli – la vite, la storie e la musiche de cjantante americane Nina Simone. (A.I.) – 03.09.2025