“Blues in villa” fûr… de vile cuntune altre musiche

La associazion culturâl “Blues in Villa” e scree la vincjesime seste edizion dal festival cul stes non, lant fûr de sô sede di Brugnere par proponi apontaments a Purcie e a S. Quarin, prime di tornâ a jentrâ tal Parc di Vile Varda. Il calendari al scomence propit a S. Quarin, joibe ai 4 tal Centri di Archiviazion dai Magredis, cuntune serade jazz cul cuartet dal saxofonist Piero Odorici e dal baterist Roberto Gatto. Ritmis latins invezit pe seconde serade, ai 12 di Lui intal centri storic di Purcie, cu la cjantante Josmil Neris e il so progjet “Quiero el Sur”. (A.I.) – 03.07.2024