Belanç par “Folkest”: passe 13 mil spetatôrs

Belanç di sieradure par “Folkest”, la rassegne di musiche tal teritori rivade aromai ae cuarantesime setime edizion. Tai paîs, tes onts e tes valadis a son rivâts passe 13 mil spetatôrs, metât di chei paiant un biliet – par viodi 66 grups artiscj. Passe trente lis propuestis sul teritori di Jugn ae fin di Avost, e ancjetantis a S. Denêl pes zornadis centrâls dal festival. La tape plui impuartante e je stade che di Joachim Cooder, pe prime volte in Europe, ma ancje la prime nazionâl dal gnûf spetacul di Moni Ovadia, “Yiddish Blues”, che al deventarà ancje un disc. Il festival “curiôs” dal Mont al à dât acet ancje a altris dodis datis di artiscj internazionâi pe prime volte in Italie e un pâr di concierts in prime nazionâl. (A.I.) – 08-09.2025