Bearzatti al sune il rock “dûr” cuntun tercet jazz

Pal penultin apontament de stagjon musicâl dal Teatri “Pasolini” curade di Euritmica, sabide ai 24 il saxofonist Francesco Bearzatti al presente a Carvignan il so ultin disc “Post Atomic Zep”. Il jazzist furlan al à fat in tercet cun Danilo Gallo e Stefano Tamborrino un gnûf progjet che al fronte a pet la musiche dai Led Zeppelin: un rock “dûr” e viament plen di blues, scjavaçât di melodiis memorabilis e sostignût di ritmis ancje asimetrics. Une gruesse sfide, cuasi impussibile par un grup di musiche jazz, ma Bearzatti le à frontade, cul distorsionadôr sul saxofon, sunant come se al fos tal stes timp “Jimmy Page e Robert Plant”. (A.I.) – 22.02.2024