Balkan Tour, ancjemò in viaç di là dai confins

Daspò dal sucès di S. Denêl ai 8 di Avrîl, al torne cun dôs gnovis datis il viaç musicâl e leterari che al travierse i confins gjeografics e culturâi, trasformâts in spazis pal dialic, la riflession e un inricjiment culturâl. Chest al è propit il spirt dal “Balkan Tour”, il spetacul cun jentrade libare sore nuie che si davuelzarà martars ai 28 tal ex convent di S. Francesc a Pordenon e miercus ai 29 te glesie di Viale Cadore a Udin. Il viaç al scomence dal Friûl e al jentre tal cûr dal mont balcanic. Pensât e diret di Andrea Miola, prodot de orchestre a pletri “Tita Marzuttini” di Udin, al cjape dentri dôs vôs di feminis: la furlane Margherita Zuccato e la cjantante bosgnache Danka Ilić. (A.I.) – 27.04.2026