Bach sunât e rivisitât di Roberto Turrin

A van indevant i Concierts de Cort inte gnove sale concierts di “Piano City” a Pordenon cul recital pianistic di Roberto Turrin “Bach al fevele cul vincjesim secul”, intal tresintesim cuarantesim aniversari de nassite dal compositôr todesc. Il conciert al è in program joibe ai 3 inte salute che e da su la cort dal complès di S. Francesc di place della Motta. La propueste dal pianist pordenonês e je dedicade a cualchi “rivisitazion” de opare di Bach de bande di compositôrs impuartants dal ‘900, massime pianiscj, traviers la esecuzion di trascrizions o elaborazions des sôs oparis origjinâls o in stîi  cetant diferenziâts, cun cualchi incursion ancje intal jazz, intal blues e fintremai intal valç. (A.I.) – 02.04.2025