Bach sunât di buinore in Badie

Johann Sebastian Bach al sarà la stele dal conciert di buinore in program par domenie ai 7 aes 11 te Badie di Rosacis, in comun di Manzan par “EnoArmonie”, il festival de musiche e dal vin inmaneât e curât de Associazion musicâl “Sergio Gaggia”. E sarà sunade “Das Musikalisches Opfer”, la ufierte musicâl, une sintesi de musiche di Bach, intune version vuidade di Massimo Mercelli, che al sarà ancje l’enolic pe ocasion e al varâ di creâ une sinestesie jenfri la musiche di Bach e i vins de zeiende Livio Felluga. Adun cun Massimo Mercelli al flaut, a sunaran Lucio Degani il violin, Gianantonio Viero il violoncel e Roberto Loreggian il clavicembal. (A.I.) – 06.06.2026