Atôrs che si confrontin cu lis lôr pôris

Vinars ai 13, il teatri comunâl di Cormons al ospitarà la prime vision regjonâl di “Toccando il vuoto” (Tocjant il vueit), un spetacul basât sul romanç di Joe Simpson e adatât di David Greig. La comedie e à tant che protagonist Lodo Guenzi, un atôr e cjantant che al è cressût te academie teatri Nico Pepe di Udin – dongje di un grup di altris atôrs. Su la fonde di une storie vere, ambientade tal 1985 intune scjalade des Andis dal Perù, dulà che un alpinist, par no colâ cul so compagn, al è obleât a taiâ la sô cuarde di rimpinade, al è un spetacul che al fevele di ossessions: il desideri di rivâ simpri plui adalt, di superâ ducj i limits ma ancje di frontâ la pôre. (A.I.) – 12.03.2026