“Armoniis” triestinis a Udin

La edizion 2024 di “Armoniis in citât” a Udin e je pronte a sierâsi cuntun spetacul dedicât a… Triest! Si intitule propit “Hello Trieste! Un boogie-woogie chiamato Italia…” il conciert di musiche swing in program martars ai 10 tal Teatri S. Giorgio di Udin. Protagoniscj: The 1000 Streets’ Orchestre adun cul ensemble Lumen Harmonicum e altris interpretis (Michela Cembran, Eleonora Lana, Elena Caineri, Valentino Pagliei), par contâ une storie ambientade daurman daspò de Seconde vuere mondiâl, tacant des musichis di Guido Cergoli, tra i musiciscj triestins plui atîfs intai agns Cincuante. (A.I.) – 09.09.2024