55
Un fin de setemane plen di events e soredut di musiche dal vîf, sabide ai 4 e domenie ai 5, pai passionâts de musiche e de armoniche in particolâr, inmaneade de associazion “Amici della Fisarmonica del FVG”. Si tache sabide ai 4 a Tumieç, sot dal tendon in place, cu la rassegne internazionâl di sunadôrs di armoniche dedicade a Amato Matiz (Pakai) a cuarante agns de muart, cu la partecipazion di mestris dal strument che a vegnin di Slovenie, Austrie, Svuizare e Cravuazie. Domenie invezit a Darte e sarà la zornade dal radun dai sunadôrs di armoniche, passe cincuante, che a rivaran ancje de Slovenie, prime di là ducj a Seorgnan par sunâ ae fieste de ue. (A.I.) – 03.10.2025
