Arlechin in zîr pal circuit Ert

StivalaccioTeatro al puarte in sene nûf atôrs suntun implant inedit, che si base sui struments de Comedie de Art: la recitazion, il cjant, la danze, il combatiment senic, la improvisazion. “Arlecchino muto per spavento”, un spetacul coprodot dal Teatri Stabil dal Venit, al sarà ospit intal circuit dal ERT vinars ai 15 tal Auditorium Marin di Grau, sabide ai 16 al “Verdi” di Manià e domenie ai 17 al “Benois-De Cecco” di Codroip. Alì Marco Zoppello – che al è ancje autôr dal sogjet e regjist dal spetacul – al sarà protagonist di un incuintri viert al public, prime di lâ in sene. (A.I.) – 14.03.2024