Al torne tal circuit dal ERT, daspò des datis a Culugne e a Polcenic, “Arlecchino nel futuro”, Arlechin tal avignî, un spetacul pensât, scrit e diret di Mariano Dammacco cun protagoniscj Serena Balivo e Mariachiara Falcone. Chest lavôr al cumbine il savôr de Commedia dell’Arte cu la fuarce dal teatri di autôr contemporani, proietant il personaç plui popolâr de tradizion taliane intune storie che e je une sorprese, ambientade intal Nord de Italie ca di cent agns indenant, cuant che la umanitât no je stade distrute di catastrofis o di une vuere nucleâr. Ma e vîf intun mont dulà che il cjalt no si pues plui sopuartâ e la uniche maniere di sorevivi e somee jessi une grande migrazion di ducj viers la Lune. “Arlechin tal avignì” al va in sene joibe ai 26 tal auditorium “Alla Fratta” di S. Denêl, vinars ai 27 tal “Ristori” di Cividât e sabide ai 28 tal auditorium comunâl di Listize. (A.I.) – 25.02.2026
Foto di M. Piazzi
