La decime cuinte edizion di “AreaDanza _ Urban Dance Festival”, la rassegne inmaneade de compagnie Arearea, che dal 1992 e puarte la danze contemporanie ancje e soredut fûr dai teatris e dai palcs, e je rivade a Udin daspò de zornade a Vençon tal mês di Jugn. La diretore artistiche de rassegne Marta Bevilacqua, intun cun Roberto Cocconi, e à inmaneât un program che dal prin ai 6 di Lui al puarte spetacui sul sagrât de glesie di S. Francesc e tai zardins de Universitât. Ma soredut te Galarie di art “Tina Modotti” là che, daspò de presentazion de publicazion “Divertissement” lunis dopomisdì, pai trente agns de compagnie, martars ai 2 di Lui al sarà presentât il progjet “Creative, Local, Dance!” viodût propit a Vençon. (A.I.) – 01.07.2024
Foto di A. Rizzi
