Daspò dal so lavôr sul cine documentari che al celebre il centesim cincuantesim aniversari dal “Corriere della Sera”, il pianist pordenonês Remo Anzovino al torne a componi pal cine, firmant la colone sonore di “I Colori della Tempesta”, cu la regjie di Roberto Dordit e distribuît di RS Productions, intai cines dai 28 di Mai. L’album, che si cjate su lis plateformis digjtâls di vinars ai 22, al ven fûr pe Decca Italia / Universal Music Italia e al rapresente un gnûf cjapitul tal viaç artistic dal compositôr, une cariere che e cjape dentri agns di ricercje personâl dal sunôr che e je buine di instreçà musiche, memorie, imagjins e narazion civiche. Il cine al è basât in mût libar su la storie straordenarie di Pasquale Rotondi, il sorintendent che vie pe Seconde vuere mondiâl al judà a salvâ miârs di oparis mestri de art taliane, gjavâts vie de distruzion e dal sac nazist. La jessude dal disc e sarà compagnade dal videoclip “I Colori della Tempesta”, basât sul teme principâl de colone sonore inte version solist par piano di Anzovino, (A.I.) – 20.05.2026
Foto di D. D’Auria
